Somo limetafsiriwa na Mgune Masatu
(Yeremia 16, 27 & 28)
Somo hili limetafsiriwa
kutoka katika Copr. 2011, Bruce N. Cameron, J.D. Marejeo yote ya maandiko
yametoka kwenye tafsiri ya New International Version (NIV), copr. 1973, 1978,
1984 International Bible Society, isipokuwa kama itaelezwa vinginevyo. Nukuu
kutoka kwenye tafsiri ya Biblia ya NIV inatumika kwa ruhusa ya Wachapishaji wa
Biblia wa Zondervan. Majibu yaliyopendekezwa yanapatikana kwenye parandesi
(kwenye mabano). Somo limekaa kimtazamo kwamba mwalimu anatumia ubao au sehemu
nyingine yoyote ambayo inaweza kuonekana na wanafunzi. Kama huwa una kawaida ya
kupokea somo hili kwa njia ya barua pepe na hukulipata kwa juma moja, unaweza
kulipata kwa kubofya kwenye www.lesoni.blogspot.com
kwa lugha ya Kiswahili na http://www.GoBible.org
kwa lugha ya Kiingereza pamoja na lugha nyingine kama vile Kifaransa,
Kijerumani. Omba kwa ajili ya uongozi wa Roho Mtakatifu unapojifunza.
Utangulizi: Unapokuwa huna
uhakika na mapenzi ya Mungu, je, huwa unafanyaje? Unasali, sawa? Unasoma na
kujifunza ili uone kama Biblia inatoa mwelekeo, sawa? Je, huwa unajichunguza
ili kubaini kama vipaumbele na matamanio yako binafsi yanaweza kuwa yanaingiliana
na juhudi zako za kuyatafuta na kuyatenda mapenzi ya Mungu? “Mimi niko radhi
kuyafanya mapenzi ya Mungu, ili mradi tu mapenzi ya Mungu ni kwa mimi kutenda
ninachotaka kukifanya!” Nina uhakika hili lilikuwa tatizo katika siku za nyuma
maishani mwangu. Wakati Mungu anaweza kubadilika kwa urahisi katika nyanja
ambazo maisha yetu yanazipitia, mbaraka wetu mkubwa kuliko yote unatokana na
kuifuata njia ambayo Mungu anatamani tuifuate. Somo letu juma hili linaelezea
kwamba ikiwa kweli tunataka kuyaelewa mapenzi ya Mungu, basi tunaweza
kuyaelewa. Hebu tuzame kwenye somo letu la Biblia ili tujifunze zaidi!
I.
Kutokuoa
A.
Soma Yeremia 16:1-4. Kwa nini Mungu anamwambia Yeremia
asioe na kupata watoto? (Kwa sababu watauawa kwa maradhi, upanga au njaa.)
1.
Nakumbuka nilikuwa nina wasiwasi juu ya aina ya maisha
watakayokabiliana nayo watoto wangu. Sasa ninajiuliza aina ya maisha
watakayokuwa nayo wajukuu wangu. Ikiwa unaona kwamba mustakabali wa siku zijazo
unatisha sana, je, unapaswa tu kutooa?
a.
Endapo ungekuwa Yeremia, je, ungeuchukulia huu kama
mzigo mwingine uliotwishwa na Mungu au rehema nyingine aliyokupa Mungu? (Kuna
masomo mbalimbali kuhusu upotevu wa fedha na upotevu wa mali. Watu wanajuta
mara mbili zaidi kwa kupoteza kitu fulani kuliko kabla hawajawa nacho
(hawajakipata). Sina uhakika jambo hilo linahusikaje kwa watoto, lakini ni heri
nisiwe na watoto kuliko kuwashuhudia wakifa kifo cha kutisha.)
A.
Soma Yeremia 16:14-15. Katikati ya hizi habari mbaya,
Mungu anawapa watu matumaini gani? (Kwamba Mungu atawarejesha katika nchi yao.)
1.
Kwa nini Mungu anafanya hivi? Kwa nini anatoa huu
ujumbe wa matumaini? (Inaonesha kwamba bado Mungu anawapenda watu.)
A.
Soma Yeremia 16:16-18. Mungu anasema kuwa atawalipa
“mara mbili zaidi.” Unadhani hii inamaanisha nini? (Mungu anasema kuwa adhabu
ni mbaya zaidi kuliko dhambi. Yumkini Mungu anaufahamu mtazamo wa kiakili
unaohusiana na kupoteza mali. Hivyo, anasema utajutia kile ulichokitenda kwa
sababu hasara itaonekana kuwa mbaya mara mbili zaidi.)
1.
“Kuwalipa mara mbili zaidi” inafungua lango la fikra ya
Mungu. Mungu anasema kuwa anafahamu uhusiano wa jinsi dhambi na adhabu
unavyoendana. Je, hiki ndicho ambacho mahakimu wa kibinadamu wanakizingatia?
(Ndiyo. Nadhani lengo ni kufanya adhabu ya kosa la jinai iendane na kosa
lenyewe.)
1.
Wakristo wanaoielewa Biblia wanatambua kuwa wanaokolewa
kwa neema, na si kwa matendo yao. (Warumi 8:1-4). Hiyo inamaanisha kwamba “mtu
mwema” anayetenda mambo mema atapotea na kufa kifo cha milele ikiwa hataipokea
kafara ya Yesu kwa ajili yake. Je, Wakristo wengi wanaamini kuwa hatima ya wale
waliopotea ni ipi? (Mateso ya milele katika jahannamu.)
a.
Je, hii inaleta mantiki yoyote kwa Mungu anayezingatia
kanuni ya usawa? Kuna mtu “mwema” ambaye alipingana na msukumo wa Roho
Mtakatifu, na mtu huyo anaungua milele? (Kitendo hicho kinaonekana kutokuwa na
usawa kabisa.)
I.
Manabii wa Aina Mbili
A.
Soma Yeremia 28:1-4. Je, huu ni ujumbe wa matumaini?
(Naam, hakika!)
A.
Soma Yeremia 28:5-9. Tunapaswa kuwa na mwitikio gani
kwa unabii unaotuambia kuwa mambo mazuri yatatokea?
1.
Je, kuna viwango vya undumakuwili hapa? Kama vipo, kwa
nini vipo? (Yeremia anasema kuwa ikiwa unatabiri juu ya amani, basi utajaribiwa
ili kujua kama utabiri huo utakuwa wa kweli. Nadhani manabii wote wanajaribiwa
kwa ukweli wa kile wanachokitabiri. Kinachoonekana kusemwa na Yeremia ni kwamba
ikiwa utatabiri kile usichotaka kitokee, basi jambo hilo lina uzio wa kweli.
Ikiwa unatabiri kile unachotaka kitokee, kile ambacho hadhira yako inataka
kitokee, kuna uwezekano mkubwa kwamba unabuni na kulazimisha utabiri huo.)
A.
Soma Yeremia 27:1-2 na Yeremia 27:12-15. Hiyo
inatuambia nini kuhusu mgongano kati ya ujumbe wa Yeremia na ujumbe wa Hanania?
(Ujumbe huo unakinzana moja kwa moja.)
1.
Mungu amempatia Yeremia zana gani ya kufundishia ili
kuupa uzito ujumbe wa Mungu? (Nira halisi. Yeremia amevaa nira.)
1.
Jiweke kwenye nafasi ya wasikilizaji (hadhira). Ungemchukuliaje
mtu ambaye amevaa nira? (Sehemu ya akili yangu ingeniambia kuwa akili za mtu
huyo haziko sawa. Sehemu nyingine ingedhani kuwa alikuwa anamaanisha
anachokisema kuhusu ujumbe wake, vinginevyo asingejitesa kwa kuvaa nira.)
A.
Soma Yeremia 28:10-11. Sasa Hanania ndiye anayetumia
kielelezo halisi. Jambo gani linampa Hanania haki ya kuvunja mali ya Yeremia?
Jambo gani linampa haki ya kuingilia ujumbe wa Yeremia?
1.
Hii inatuambia nini kumhusu Hanania? (Hakubaliani na
maongezi matupu! Kwa hakika maongezi matupu yanafanya mambo kuwa magumu mbele
ya hadhira. Nani anayesema ukweli kuhusu ujumbe kutoka kwa Mungu?
1.
Yeremia alifanya nini baada ya Hanania kuvunja nira
aliyoitengeneza? (“Yeremia alienda zake.”)
a.
Je, hicho ndicho ambacho ungekifanya? Mtu huyu anasema
uongo kuhusu ujumbe wa Mungu, anasema uongo kuhusu ujumbe ambao Mungu
amekupatia, na anahatarisha maisha. (Ningejisikia kumpiga makonde Hanania, au
angalao ningemrushia maneno makali. Lakini Mungu anasema tuache kisasi mikononi
mwake.)
A.
Soma Yeremia 28:12-16. Mungu anaonesha mwitiko gani juu
ya tabia hiyo mbaya inayofanywa na mtu anayekengeusha ujumbe wake? (Soma
Yeremia 28:17. Hanania anafariki.)
1.
Unafikiriaje jambo hili, je, Hanania alikuwa tu anasema
uongo na alifahamu kuwa anadanganya? Au, Hanania alikuwa anajidanganya kwamba
alikuwa anatekeleza mapenzi ya Mungu? (Soma Yeremia 28:15. Yeremia anakiita
kile anachokisema Hanania kuwa ni “uongo.” Hiyo inaashiria kuwa Hanania
alifahamu kauli zake ni za uongo, lakini nimewaona watu ambao nilidhani
waliuamini uongo wao.)
1.
Kwa nini Mungu mwenyewe hakumwambia Hanania aache madai
yake ya uongo, badala ya kufikisha ujumbe kupitia kwa Yeremia? (Hii inaonesha
Hanania hakuwa na uhusiano na Mungu.)
1.
Je, bado Mungu “anawaondoa kutoka kwenye uso wa dunia”
wale wanaohubiri uasi dhidi yake? (Ndiyo, nadhani anafanya hivyo. Namkumbuka
mchekeshaji mmoja wa kutisha ambaye mara kwa mara alikuwa akimshambulia Mungu.
Alipenda kumdhihaki Mungu. Wakati nilipomsikia akisema maneno haya nilijiuliza
Mungu ataendelea kuruhusu jambo hili hadi lini. Miaka michache baadaye,
mchekeshaji yule kijana alifariki.)
A.
Ikiwa tutajiweka kwenye nafasi ya hadhira
inayowasikiliza Yeremia na Hanania, tunapata wasiwasi kwamba tunaweza
kudanganywa. Je, ilikuwa rahisi kwa watu kufahamu nani alikuwa anasema uongo na
nani alikuwa anasema ukweli? (Tayari tuna kielelezo kutoka kwa Yeremia kwamba
ikiwa nabii anasema kile tunachotaka kukisikia (na kile anachotaka kukisema),
basi kitendo hicho kinapaswa kutufanya kuwa makini.)
1.
Soma 2 Timotheo 4:3-4 na 2 Wathesalonike 2:9-12. Je,
kosa ni la nani kutokana na ukweli kwamba watu hawa waliuamini uongo? (Lilikuwa
ni kosa lao. Walitaka kuuamini uongo. Ujumbe wa Yeremia haukuwa tu kwamba
maangamizi yanakuja, bali yalikuwa yanakuja kwa sababu ya dhambi za watu
waliotangulia. Pamoja na mambo mengine, dhambi hizo zilihusisha kuabudu miungu
ya uongo. Tayari watu hawa walishaamua kuyapuuzia mapenzi ya Mungu, na Hanania
alikuwa amewezesha mwendelezo wa uasi wao dhidi ya mapenzi ya Mungu.)
1.
Soma 2 Wathesalonike 2:13-15. Utagundua kwamba Paulo
anawaambia watu kuwa kihistoria walikuwa kuing’ang’ania kweli na wanapaswa
kuendelea kufanya hivyo. Je, Paulo anabainisha vigezo gani vingine muhimu? (“Kazi
ya utakaso ya Roho.” Kamwe hatupaswi kuuacha uwezo wa Roho Mtakatifu wa
kutufunulia kweli.)
A.
Soma 1 Yohana 4:1. Je, hii inaelezea tatizo
lililowasilishwa na Hanania? (Naam, hakika.)
A.
Soma 1 Yohana 4:2-3. Yohana anatupatia kipimo
tunachoweza kukitumia kuwabaini manabii wa uongo. Je, kipimo hiki kingefanya
kazi kwa Hanania? (Yohana anaandika mahsusi kuhusu kumkiri Yesu. Lakini,
nadhani nadharia ya jumla kuhusu kipimo hicho bado inafanya kazi. Ikiwa Hanania
alitambua na kuifuata miungu ya uongo sambamba na Mungu wa kweli, basi
angefelisha nadharia iliyopo nyuma ya kipimo hiki.)
A.
Soma Warumi 12:2. Paulo anapendekeza kipimo gani
kingine? (Ikiwa mawazo yako yamebadilishwa na kufanywa upya na Roho Mtakatifu,
basi utakuwa na uwezo wa kuyaelewa mapenzi ya Mungu.)
A.
Rafiki, Mungu anatutaka tuyaelewe mapenzi yake. Sehemu ya
upendo wake kwetu ni kwamba yuko upande wetu. Ikiwa tutayatafuta mapenzi yake
kwa dhati, basi tutayapata. Kwa nini tusimwombe Roho Mtakatifu sasa hivi
atuondolee vikwazo vyovyote vinavyotuzuia tusiyaelewe mapenzi ya Mungu?
I. Juma lijalo: Kuangamizwa kwa Yerusalemu.
No comments:
Post a Comment