NENO LA LEO | SABATO KATIKA BIBLIA NA HISTORIA

Sehemu ya Kwanza: Katika Agano la Kale

Baada ya Kumaliza uumbaji wake Biblia katika Kitabu cha Mwanzo 2:1-3

“Basi mbingu na nchi zikamalizika, na jeshi lake lote. Na siku ya saba Mungu akamaliza kazi yake yote aliyoifanya; akastarehe siku ya saba. Akaacha kufanya kazi yake yote aliyoifanya. Mungu akaibarikia siku ya saba, akaitakasa kwa sababu katika siku hiyo Mungu alistarehe, akaacha kufanya kazi yake yote aliyoiumba na kuifanya”

Hapa kuna mambo muhimu ya Kuzingatia.

Jambo la Kwana ni kwamba, Mungu alistarehe katika Siku ya Saba baada ya Siku sita za Uumbaji. Hapa hatuambiwi kwamba Mungu alipumzika katika siku ya Saba kuashiria kwamba alichoka. Kwa hakika Mungu wetu hachoki, Biblia inatuambia “Je wew hukujua?, Hukusikia? Yeye Mungu wa Milele, Bwana. Muumba wa miisho ya dunia, hazimii wala hachoki; akili zake hazichunguziki” Isaya 40:28. Kitendo cha Kustarehe hakinamaana kwamba Mungu alikuwa ametulia tuli bila kazi yoyote. Yesu anasema “..Baba yangu anatenda kazi hata sasa. Nami ninatenda kazi Yohana 5:17. Kazi inayoyotajwa hapo kwamba Mungu aliiacha ni Kazi ya Uumbaji., “aakaacha kufanya kazi yake yote aliyoiumba na kuifanya” Mzo2:3. Hivyo basi ni sahihi kusema Kitendo cha Mungu kustarehe kinaashiria kufurahia Kazi yake ya uumbaji kwani neno linasema, “Mungu akaona kila kitu alichokifanya, na tazama ni chema sana” Mwanzo 1:30. Jambo hili laashiria kufurahishwa na kazi aliyokuwa akiifanya.

Jambo la pili Mungu aliibariki siku ya Saba Neno kubariki laashilia upendeleo fulani Mungu alioufanya kwa ajili ya siku hii ya saba. Mara kwa mara tunaona Baraka zikitamkwa kwa watu katika biblia, ni jambo la kushangaza kwamba Mungu anatamka baraka kwa siku ya saba. Hii ni lazima mtu anaposikia jambo hili ni vizuri azingatie na kujiuliza kwa nini? Bila shaka ni kwa sababu Mungu alikusudia kuifanya kuwa ni siku ya pekee siku ya Saba

Jambo la Tatu, Mungu aliitakasa. Neno hili kutakasa ni neno la Kidini, kutakasa ni kuweka kando kwa matumizi maalumu kwa maswala ya kidini tuu. Hivyo hapa yaonyesha kuwa Siku ya Saba ilitengwa kwa ajili ya matumizi, matakatifu

Tunajua kwamba, wakati wa uumabaji, Mungu aliweka Jua, Mwezi na Nyota na Makusudi ya kuumba vitu hivyi Mungu anasema “nayo iwe ndiyo dalili, na majira na siku na miaka;” Mwanzo 1:14. Kisha Mungu kwa ufahamu aliowapatia wanadamu, waliweza kufanya mahesabu haya, Mwaka mmoja una siku 360 au 365 na Robo, (hii ni sawa na miezi 12), Siku moja ina Masaa 24, Saa moja ina dakika 60, dakika moja ina sekunde 60. Yaonekana kwamba zamani kabisa kabla hata ya maendeleo ya sayansi na uvumbuzi wa Telescope tayari kulikuwa na elimu hii ya uajimu, mfano Wababeli walikuwa na elimu hii ya unajimu, Mwanahistoria Morey katika kitabuchake Ancient People ukurasa wa 26,27 anasema “Nabu-rimannus na Kidinnu, wanajimu wa kibabeli mashuhuri walitengeneza jedwali la mwenendo wa jua kwa kuhusiana na mwezi na waliwenza pia kupiga mahesabu ya mzunguko wa dunia na kupima ulefu wa mwaka na kupata kuwa ni siku 365 na masaa 6 na dakika 15 na sekunde 41”

Hivyo twaona kuwa ni wasi mwanadamu anajua sababu za majira yote kama ilivyo katika kalenda zetu leo, ni jambo moja tu ambalo mwanadamu hajui sababu yake, KWANINI JUMA MOJA LINA SIKU SABA? Hii ni kwa sababu, jambo la wiki kuwa na siku saba linatoka kwa Mungu pekee na siyo kwa Mwana damu.

Mwanzo wa wiki moja yenye siku saba tunaupata pekee katika kitabu cha Mwanzo sura ya kwaza. MUNGU ALIUMBA MBINGU NA NCHI KWA SIKU 7. Hatuambiwi popote katika historia kwamba Mwanadamu aliwahi kupanga utaratibu wa siku 7 za wiki. Kwa nini isiwe siku 8, siku 9 siku 10 au siku 11. Ni kwa sababu Mungu mwenyekwe alifanya kazi siku 6 akastarehe siku ya 7. Hivyo kama kunajambo pekee ambalo mwanadamu hajasahau toka kwa Muumba wake ni wiki moja yenye siku 7

Niwazi kwamba ikiwa siku saba (7) hazijasahaulika katika historia, tunaweza kuhitimisha kuwa mwanadamu amekuwa akitunza siku ya saba kama siku ya mapumziko, siku ya kustarehe na kuacha kazi zake zote kama Mungu alivyofanya, lakini pia kama siku takatifu iliyotakaswa na Bwana na kuwekwa kwa ajili ya matumizi matakatifu. Hii ni kwasababu Jambo hili liliamuliwa na Mungu tokea uumbaji, na wale wote walioshikamana na Bwana, hatunashaka kwamba walitimiza Jambo hili

KUSAHAULIKA KWA SIKU YA SABA KAMA SIKU TAKATIFU YA IBADA

Kwakuwa Biblia inatuambia juu ya kuongezeka kwa maasi duniani katika Kitabu cha Mwanzo sura ya 6 na hatimaye kughariishwa. Ni wazi kwamba kwa sababu ya uovu huo wanadamu hawakumuheshimu Mungu wala kumwabudu. Ndiyo maana biblia inasema, “Bwana akaona yakuwa maovu ya mwanadamu ni makubwa duniani, na kwamba kila kusudi analowaza moyoni mwake, ni baya tu siku zote” Mzo 6:5. Usitegemee kuwa katika hali hii kulikuwa na jambo lolote la ibada. Hivyo ni katika wakati huu ambapo siku ya saba kama takatifu kwa Bwana na siku ya ibada ilisahaulika usoni pa dunia.

BWANA AREJESHA SIKU YA SABA KAMA SIKU TAKATIFU YA IBADA.

Mungu alipokuwa akiwaongoza Israeli kutoka Misri kwenda kanaani, wakiwajangwani na Mungu Mwenyewe amewakusudia kuwa Taifa takatifu, warudishe ufahamu wa Mungu kwa wakazi wa Dunia, alianza kurejesha kweli zote zilizopotea na kuanza kuwafundisha tena kuitunza takatifu siku ya Saba.

“Akawaambia ndilo neno alilonena Bwana, kesho ni Starehe takatifu, sabato takatifu kwa Bwana…”Mwanzo 16:23

Hapa tuwaona kuwa ni Mungu mwenyewe anayeanza kuwafundisha juu ya siku hii ya saba. Ni wazi kuwa walikuwa hawaifahamu baada ya kuwa wamekaa utumwani Misri kwa miaka 430. Mungu ndiye mwanzilishi wa Sabato, naye ndiye Mwalimu wetu, hapa tunaona anaanza kuwafundisha watu wake juu ya Utunzaji wa siku ya Sabato kama siku takatifu kwa Bwana. Zingatia hapa neno linasema “ ni sabato takatifu kwa Bwana”, maana yake ni kwamba, ni siku ya kuitumiza kwa ajili ya Bwana tuu, Kufanya mambo ya ibada, kumwabudu Mungu.

Mungu pia alimwagiza Munsa akisema “Mtafanya kazi siku sita, lakini siku ya saba ni Sabato ya kustarehe kabisa, Kusanyiko takatifu,, msifanye kazi ya namna yoyote, ni SABATO KWA BWANA, katika makao yenu yote.” Lawi 23:3. Kumbe siku ya Sabato imetajwa hapa wazi kuwa ni siku ya Ibada.

Wakati Waisraeli wakiwa jangwani Mungu aliwapatia Maagizo mengi ikiwa ni pamoja na utaratibu wa ibada na huduma katika hema ya Kukutania (Kutoka 25-36; Lawi 1-10). Hii ilikuwa pamoja na utaratibu mzima wa jinsi ya kuondoa dhambi katika wana wa Israel, Kulikuwa na Sadaka za amani, na Sadaka za ondoleo la dhambi zilizoletwa hemani na baadaye katika hekalu. Mahusiano ya wao kwa wao kama jamii ya watu wa Mungu (Lawi 18-19). Usafi na masuala ya Afya kwa Taifa la Mungu. (Lawi 11; Kumb. 23:12-14). Maagizo haya yote, Bwana alimwambia Musa ayaandike katika kitabu cha Torati, na yatunzwe pembeni mwa Sanduku la agano. (Kumb. 31:26). Baadhi ya maagizo haya, mfano sadaka ya ondoleo la dhambi, yalikuwa kivuli cha Mambo yajao, Sadaka kamili ya ondoleo la dhambi kwa ulimwengu mzima—“Mwana kondoo wa mungu aichukuaye dhambi ya ulimwengu” (Yohana 1:29; Waebrania sura ya 7-10)

Baadaye Mungu Mwenyewe alishuka katika Mlima wa Sinai na Kuwapatia maagizo watu wake, maagizo ambayo ndiyo yangekuwa msingi wa maadili na uchaji Mungu wa dhati, AMRI 10 ZA MUNGU. Neno linasema “Bwana akamwambia Musa, tazama mimi naja kwako katika wingu zito ili watu hawa wasikie nitakaposema nawe, nao wapate kukuamini wewe nawe hata milele. Musa akamwambia Bwana hayo maneno ya watu. Bwana akamwambia Musa, enenda kwa watu hawa, ukawatakase leo a kesho, wakazifue nguo zao. Wawe tayari kwa siku ya tatu; maana siku ya tatu Bwana atashuka katika mlima wa Sinai machoni pa watu hawa wote” (Kut. 19:9-11), “Bwana akaushukia mlima, juu ya kilele cha mlima…” Kut. 19:20

Hapa neno la Mungu lina weka wazi tofauti ya maagizo yote aliyotoa Mungu kwa watu wake. Wakati ambapo mambo mengine yote Mungu alimwagiza Musa ayapeleke kwa watu na baadaye kumwagiza ayaandike katika kitabu cha Torati, Siyo hivyo kwa amri 10 za Mungu. Hizi zilikuwa ni takatifu mno, kiasi cha kutomruhusu Mwana damu kuzinena wala kuziandika. Ilibidi Mungu mwenyewe ashuke kusema na watu. Na kasha baadaye yeye mwenyewe kuziandika katika mbao za Mawe. (Kut. 24:12, 31:18)

Katika amri hizo tunapata maranyingine Munfu akisisitiza juu ya siku ya Saba kama siku takatifu kwa Bwana

“Ikumbuke siku ya sabato uitakase…” Bwana anaanza kwa kusema “Ikumbuke”, hii inaashiria kwamba ilikuwa imesahaulika, la sivyo itakumbukwaje kitu ambacho hakikuwepo? “siku sita fanya kazi, utende mambo yakeo yot; lakini siku ya saba, ni sabato ya Bwana, Mungu wako, siku hiyo usifanye kati yoyote….” Kasha Bwana anaeleza sababu ya kutoa amri hii “maana kwa siku sita, BWANA alifanya mvingu na nchi, na bahari na vyote vilivyomo, akastarehe siku ya saba; kwa hiyo BWNA akaibarikia siku ya sabato akaitakasa.” Kut. 20:8-11

Zingatia hapa kwamba sababu ya kukumbuka siku ya saba inaelezewa na Mungu mwenyewe kuwa ni kukumbuka kuwa Mungu aliumba kwa siku sita, nay eye mwenyewe akatoa mfano w kustarehe katika siku hiyo, na kuitakasa, yaani kuifanya kwa ajili ya matumizi matakatifu tuu.

Hapa tuwezi kusema sabato ilitolewa kwa Waisrael tu, kwani sababu za kutolewa kwake zinavuka mipaka ya Israeli zamani wakati wa uumbaji. Kabla halijakuweko taifa la Israel

Mungu alitarajia kuwa, watu wa Mataifa yote wangemwabudu yeye na kuitunza sabato. Anasema hivyo katika Isaya 56:5-7 “Na wageni walioambatana na Bwana ili kumhudumu, na kulipenda jina la Bwana, kuwa watumishi wake; kila aishikaye Sabato asiivunje, na kulishika sana agano langu; nitawaleta hao nao hata mlima wangu mtakatifu, na kuwafurahisha katika nyumba yangu ya sala”

Ona hapa kuwa Sabato inahusishwa na Nyumba ya Sala kuonyesha kuwa ilikuwa siku ya Ibada kote katika agano la Kale.

Tunaweza kuhitimisha kwa ujasili kwamba Mungu aliiweka siku ya saba kuwa sabato takatifu ya ibada kwa Mungu. Katika sikuhiyo tuaacha kazi zote na kukumbuka kuwa Yeye ndiye muumbaji wetu. Mungu alikusudia kuwa kupitia utunzaji wa sabato watu wasingeweza kumsahao yeye kuwa muumbaji na kugeukia hadithi za uongo za uibukaji(Evolution). Swala la utunzaji wa sabato lilifanywa kuwa ni swala la kuonyesha utii kwa Mungu muumbaji na kutambua kuwa Mungu ndiye anayetawala juu yetu.

NA https://loudcrymediaministries.wordpress.com